طعن مغني الراب توري لينز ١٤ مره بسجن كاليفورنيا الإصلاحي
في تقارير جديده صادمه، اتعرض مغني الراب الكندي توري لينز للطعن جوه سجن كاليفورنيا الإصلاحي في مدينه تيهاتشابي حسب اللي اتقال على حسابه الرسمي، اتعرض للطعن ١٤ مره! منهم ٧ في ضهره، ٤ في جسمه، ٢ في دماغه من ورا، وطعنه في وشه الشمال.
الحاله الصحيه لتوري كانت خطيره في الأول، لدرجه إن الرئتين اتأثرت، واتحط على جهاز تنفس صناعي، بس الحمد لله بدأ يتنفس طبيعي تاني بعد فتره، وعلى الرغم من الألم اللي فيه، معنوياته عاليه.
موقع TMZ قال إن الطعن حصل في ساحة السجن، ونزيل تاني هو اللي اعتدى عليه، ولسه محدش عارف السبب الحقيقي ورا الهجوم وتم نقله على مستشفى بره السجن، وحالته مش خطره على حياته.
لينز دلوقتي بيقضي حكم بالسجن ١٠ سنين، بعد ما المحكمة العليا في لوس أنجلوس أدانته في ٣ تهم، بسبب حادثة إطلاق نار على مغنيه الراب ميغان ذا ستاليون في ٢٠٢٠ بعد حفله في بيت كايلي جينر.
وعلى الرغم من الحكم، توري لينز لسه بيأكد إنه بريء، ومحاميه قدموا استئناف واترفض في مايو ٢٠٢٣.
