هالي بيري تغير فستانها فـ كان بسبب قواعد العري والفساتين
هالي بيري فاجأت الكل فـ مهرجان كان السينمائي 2025، لما قالت قدام الصحفيين إنها غيرت فستانها قبل المهرجان بلحظات، وده بعد القرارات الجديده اللي أعلنها المهرجان بمنع الفساتين العاريه والكبيره أوي.
هالي كانت ناويه تلبس فستان شيك من تصميم غوبتا، بس لما عرفت إن الفستان له ذيل طويل، قررت تغيره عشان ما تخرقش القوانين زي ما قالت، وأضافت كمان يمكن منع العري كمان فكره كويسه
المهرجان كان أعلن في بيان رسمي إنه مش هيقبل أي لبس يوصف بالعري وإنهم ليهم الحق يمنعوا دخول أي حد لبسه ممكن يعطل حركة الناس أو يبوظ ترتيب القاعات.
وفي نفس الوقت، مهرجان القاهره السينمائي بيشارك فـ دورة مهرجان كان الـ78، وجوا الجناح المصري في السوق السينمائي، هيشارك الفنان حسين فهمي في جلسه مهمه اسمها من هوليوود للقاهرة، بيتكلم فيها عن التعاون بين السينما الأمريكيه والمصريه.
الفعاليه دي مهمه جدًا وبتأكد إن مصر ليها مكانه كبيره فـ المجال السينمائي العالمي.
