العنوان أمريكا والسعوديه بيدورو صفقه طيارات إف-35 واتفاقات بتريليون دولار
أفادت مصادر لوكالة رويترز، من شوية، إن أمريكا والسعودية شغالين دلوقتي على مناقشات بخصوص صفقة محتملة لشراء طيارات إف-35 الأمريكية، وده حسب ما نقلته قناة القاهره الإخباريه في خبر عاجل.
الخبر جه بعد ما وصل الرئيس الأمريكي دونالد ترامب، للمملكه العربيه السعوديه صباح النهارده التلات، وكان في استقباله ولي العهد السعودي الأمير محمد بن سلمان في المطار الزياره دي فيها كذا موضوع مهم، وعلى راسهم المنتدى الإقتصادي السعودي الأمريكي.
المنتدى ده متوقع يطلع منه إعلانات كبيره بخصوص اتفاقيات اقتصاديه ودفاعيه، قيمتها توصل لتريليون دولار، على حسب التسريبات الأوليه الإتفاقيات دي هتكون عامل تقويه للتعاون ما بين البلدين، وخصوصاً في مجالات زي الدفاع والطاقة والتكنولوجيا.
مصادر قريبه من الملف قالت إن صفقة الإف-35 لسه تحت الدراسه، ومفيش حاجه رسميه لحد دلوقتي، بس الطرفين مهتمين بالموضوع وبيتكلمو عليه بجدية ومن المتوقع إن الزياره دي تفتح أبواب كتير للتعاون الاستراتيجي بين واشنطن والرياض في الفتره الجايه.
