الليجا تشتكي برشلونة بسبب جماهيره في الكلاسيكو الأخير
قدمت رابطة الدوري الإسباني “الليجا” شكوى رسميه ضد نادي برشلونة، بسبب الهتافات العنيفه اللي طلعت من جماهيره أثناء مباراة الكلاسيكو قدّام ريال مدريد، واللي انتهت بفوز برشلونة 4-3 يوم الأحد اللي فات.
الفوز ده خلا برشلونة يتصدر الدوري بفارق 7 نقاط عن ريال مدريد، وبقى محتاج فوز واحد بس من الثلاث مباريات الجايه علشان يحسم الدوري رسمي للمرة 28 في تاريخه.
المباراة كانت مولعة، وشهدت حالات تحكيمية كتير مثيرة للجدل، خلت جماهير برشلونة في ملعب المونتجويك تغلي وتبدأ تصرخ بهتافات اعتبرتها الليجا غير لائقة.
صحيفة “ماركا” الإسبانية كشفت إن رابطة الليجا رصدت 7 هتافات عنيفة ومسيئة من جماهير برشلونة، استهدفت جمهور ولاعبي وحتى رئيس ريال مدريد، خصوصاً في الشوط الأول، وكمان بعد نهاية اللقاء لما فاز الفريق الكتالوني.
التصرف ده ممكن يخلّي برشلونة يتعرض لعقوبات مالية قاسية، والليجا دلوقتي بتدرس الوضع وبتجهّز قرار رسمي ممكن يصدر خلال أيام.
واضح إن الكلاسيكو ما بيخلصش على الملعب بس، الشد والجذب دايمًا بيكمل برا الخطوط، وجماهير برشلونة المره دي ممكن تدفع الثمن.
