ترامب علاقتنا مع السعوديه قويه ومستمرين فـ دعم أمن المنطقه
قال الرئيس الأمريكي دونالد ترامب إن العلاقه بين أمريكا والسعوديه مهمه جداً وإنها أساس في استقرار وأمن الشرق الأوسط، ودا خلال كلمته في منتدى الاستثمار السعودي الأمريكي اللي انعقد في الرياض وأكد ترامب إن الشراكه دي لازم تقوى أكتر وأكتر خصوصاً في ظل التغيرات السريعه اللي بتحصل في المنطقه والعالم.
وأوضح إن الشرق الأوسط قدامه مستقبل واعد، وقال هنخلي علاقتنا مع السعوديه أقوى، وهنشتغل سوا علشان أمان وازدهار المنطقهوأشار كمان إن حكومته حققت خلال 4 شهور إنجازات أكتر من اللي عملته إدارات تانيه في سنين.
وأكد ترامب إن الجيش الأمريكي دلوقتي في أفضل حالاته من أكتر من 30 سنه، وده بيعزز دور أمريكا في حماية حلفائها واستقرار العالم كله.
أما من ناحية الاقتصاد، قال إنه وفر 46 ألف وظيفه داخل أمريكا، وكمان وقع اتفاقيات مهمه مع الصين وأشار إن أمريكا ما شافتش أي تضخم في الفتره الأخيره، وده دليل على نجاح السياسات اللي بتتبعها إدارته حالياً لتحسين الوضع الاقتصادي داخلياً ودولياً.
