برشلونة يستعد لحسم الليجا قدام إسبانيول وسط غيابات دفاعية
برشلونة بيستعد يواجه إسبانيول يوم الخميس الجاي، في مباراة ممكن تحسم لقب الدوري الإسباني لصالحه، ضمن الجولة 36 من الليجا.
الفريق الكتالوني فاز على ريال مدريد الأسبوع اللي فات بنتيجة 4-3، ووسع الفارق لـ7 نقاط، وبقى محتاج فوز واحد بس من 3 مباريات علشان يتوّج رسميًا باللقب رقم 28 في تاريخه.
المشكلة إن برشلونة حيلعب من غير مدافعه إينيغو مارتينيز اللي موقوف بعد ما خد كرت أصفر قدام مدريد.
وده خلى المدرب فليك يقرر يعتمد على أندرياس كريستنسن في التشكيلة الأساسية، بدل رونالد أراوخو اللي مستواه نزل بشكل واضح الفترة الأخيرة، وخصوصًا بعد خطأه الفادح قدام إنتر ميلان في دوري الأبطال واللي خرج الفريق بسببه.
صحيفة “آس” الإسبانية أكدت إن فليك شايف إن كريستنسن هو الأنسب علشان يبدأ جنبه إريك جارسيا في الدفاع، خصوصًا وإن باو كوبارسي كمان مصاب ومش حيقدر يشارك.
المدافع الدنماركي قدم أداء كويس قدام الريال لما نزل بديل في الدقيقة 57، وده زاد من فرصه إنه يكون أساسي في لقاء الحسم.
