الرمادي يدور على فوزو الأول والزمالك يدخل مواجهه بيراميدز بتعديل مفاجئ
بيدو إن المدرب أيمن الرمادي لسه بيحاول يلاقي طريق الفوز مع الزمالك، بعد ما أول ماتش ليه طلع بتعادل 2-2 مع سيراميكا كليوباترا الماتش الجاي قدام بيراميدز، والزمالك عايز يحقق أول 3 نقاط مع مدربه الجديد.
الزمالك حالياً ف المركز التالت ف ترتيب مرحلة الحسم بـ41 نقطه، وراه بيراميدز بـ47 نقطه وقُدّامهم الاهلي متصدر بـ52 نقطه، بس الأهلي لعب ماتش أكتر.
تشكيلة الزمالك كانت فيها تغييرات واضحه، خصوصًا لما خرج محمد شحاتة قبل بداية الماتش بشويه، عشان إصابه عضليه، ودخل مكانه المدافع المغربي صلاح مصدق.
التشكيل بدأ بمحمد عواد في حراسة المرمى، رغم وجود محمد صبحي على الدكه فالدفاع عمر جابر، حسام عبد المجيد، الونش، وبنتايك فالوسط دونجا، عبدالله السعيد، سيف جعفر، وصلاح مصدق بدل شحاتة والهجوم مصطفى شلبي وناصر منسي.
أحمد حمدي رجع بعد غيابه الطويل من إصابة الرباط الصليبي اللي حصلتله ف نهائي الكونفدرالية ضد نهضة بركان السنة اللي فاتت، وده أول ظهور ليه من وقتها ف القايمه.
الزمالك بيدور على فوز يعيدله الثقه، خصوصًا بعد الأداء المتذبذب ف آخر كام ماتش.
