اتحاد الكوره ينفي إشاعات ضم المريخ السوداني للدوري المصري الجاي
انتشرت الأيام اللي فاتت أخبار كتير بتقول إن نادي المريخ السوداني ممكن يشارك في الدوري المصري الموسم الجاي، وده خلّى ناس كتير تتكلم عن احتمالية خطوة زي دي وسط ظروف السودان الحالية.
لكن مصدر من داخل اتحاد الكوره المصري طلع ونفى الكلام ده تمامًا، وقال إن مفيش أي تواصل حصل مع نادي المريخ بخصوص مشاركته ف الدوري المصري الممتاز، وإن كل اللي بيتقال مجرد كلام مش حقيقي ومش مبني على أي اتفاق رسمي.
المريخ دلوقتي بيلعب ف الدوري الموريتاني، وده بعد الأوضاع السياسية والأمنية اللي مأثرة على الرياضه ف السودان من كذا سنه، وده خلاه يدور على ملاعب بديله يقدر يشارك فيها لحد ما الأمور تستقر في بلده.
الاتحاد المصري شدد إن أي إضافات أو تغييرات ف فرق الدوري بتتم وفق لوائح وقوانين واضحه، ولازم تكون بناء على موافقات رسميه مش إشاعات أو توقعات.
وبكده، تم تأكيد إن مفيش وجود لنادي المريخ السوداني ضمن خطط الدوري المصري الموسم الجاي، على الأقل في الوقت الحالي.
