الاتحاد بيدرس يسلم شوقي غريب قيادة المنتخب ف كأس العرب
كشف مصدر من جوا اتحاد الكوره المصري إن فيه تفكير بجد بخصوص تعيين الكابتن شوقي غريب مدير فني لمنتخب مصر ف بطولة كأس العرب اللي جايه البطولة هتتلعب في قطر من 1 لـ 18 ديسمبر الجاي، والاتحاد بيفكر يشكل منتخب محلي يشارك هناك.
المصدر إن فيه كلام حوالين مشاركة منتخب رديف أو منتخب المحليين، وفيه اقتراحات بضم شوية لاعيبة من المنتخب الأول كمان، يعني يبقى تشكيل مرن كده فيه الأساسيين مع الوجوه الجديده.
الاتحاد سايب حرية الاختيار للكابتن حسام حسن، المدير الفني الحالي للمنتخب الأول، لو حب يقود الفريق في البطولة مفيش مانع، بس لو رفض، يبقى شوقي غريب هو البديل اللي هيتولى المسؤولية خلال البطولة.
الاتحاد شايف إن البطولة فرصة كويسه لتجربة عناصر جديدة واختبارهم ف جو بطولات، وده ممكن يفيد المنتخب الأساسي بعدين. لسه مفيش قرار نهائي، بس الأمور شكلها رايحة ناحية شوقي غريب لو حسام حسن قرر يعتذر.
