أرسنال ناوي يضرب بقوة في السوق الصيفي بميزانية مفتوحه
بيخطط نادي أرسنال الإنجليزي يفتح خزنه الصيف الجاي وينزل السوق بكل قوته، والميزانية المتوقعه مش هتقل عن 100 مليون باوند، غير كمان الفلوس اللي هتيجي من بيع اللعيبه، حسب تقارير سبورتس
أرتيتا، مدرب الفريق، هيكون عنده حرية يجيب صفقات تقيلة عشان يقوي تشكيلته اللي نافس بيها الموسم اللي فات، والنادي وضعه المالي كويس جدًا، ومتوافق مع قوانين الربحية والاستدامة في البريميرليج.
أرسنال عايز يدعم صفوفه في كذا مركز، وأولهم خط النص، وعينه على مارتن زوبيميندي لاعب ريال سوسيداد، ومستعدين يدفعوا الشرط الجزائي بتاعه اللي بيبلغ حوالي 50 5 مليون باوند أول ما الموسم يخلص.
كمان بيبحثوا عن مهاجم تقيل، ولسه الاسم مش مؤكد، لكن فيكتور جيوكيريس من سبورتنج لشبونة يعتبر هدف رئيسي للمدير الرياضي الجديد أندريا بيرتا، وفي نفس الوقت بنيامين سيسكو من لايبزيج موجود على الرادار.
سيسكو قيمته تعدت 67 مليون باوند، أما جيوكيريس الشرط الجزائي بتاعه 100 مليون، بس سبورتنج ممكن يوافق على بيعه بـ67 مليون تقريبًا كمان الدفاع مش بعيد، ودين هويسن مدافع بورنموث مرشح ينضم مقابل 50 مليون.
