مجموعه متوازنه لمنتخب مصر فـ تصفيات كاس العالم السله 2027
أجريت النهارده قرعة تصفيات أفريقيا المؤهله لـ كاس العالم لكرة السله 2027، واللي هتتلعب في قطر، وسحب القرعه كان فـ جاليريا الحزم هناك، ونتج عنها وقوع منتخب مصر في مجموعه مش صعبه أوي ولا سهله، نقدر نقول متوازنه.
منتخب مصر جت مجموعته الرابعه، واللي بتضم معاه منتخبات مالي و أنجولا و أوغندا، وده معناه إن المواجهات هتكون محتاجه تركيز عالي من الفراعنه عشان يصعدوا للمرحله التانيه.
الاتحاد الدولي للسله كان أعلن من قبل إن قطر هتستضيف البطوله بين يوم 27 أغسطس لـ 12 سبتمبر 2027.
التصفيات دي فيها 16 منتخب أفريقي، متقسمين على 4 مجموعات، كل مجموعه فيها 4 فرق، وأول 3 من كل مجموعه هيتأهلوا للمرحله التانيه، واللي هيلعبوا فيها رايح جاي مع المنتخبات المؤهله من مجموعه تانيه.
لو مصر صعدت، هتكمل بالنقط اللي جمعتها من المرحله الأولى، وهيتلعب 6 ماتشات قدام الـ3 منتخبات اللي صعدوا من المجموعه التانيه.
اللي هيتأهلوا من أفريقيا للبطوله 5 فرق بس، أول وتاني من كل مجموعه في المرحله التانيه، وكمان أحسن تالت.
