أحمد حمدي راجع بعد 359 يوم في قايمة الزمالك من تاني
اللاعب أحمد حمدي بيرجع النهارده يظهر فـ قايمة ماتش الزمالك قدام بيراميدز، لأول مره من حوالي 359 يوم، يعني تقريبًا سنه كامله من الغياب.
الزمالك بيستضيف بيراميدز في استاد القاهرة، ضمن الجوله السادسه من مرحلة التتويج فـ الدوري المصري الممتاز، والمدير الفني أيمن الرمادي أعلن التشكيل، وكان أحمد حمدي موجود على دكة البدلاء.
آخر مره لعب فيها حمدي مع الزمالك كانت قدام نهضة بركان المغربي، فـ نهائي الكونفدرالية يوم 19 مايو 2024، واللي كانت ليله ما تتنسيش، لإنه سجل هدف التتويج وبعدها اتصاب فـ الشوط الأول وخرج من الملعب.
اللاعب اللي عنده دلوقتي 27 سنه، انضم للزمالك في يناير 2024، لكن مالحقش يشارك كتير، لعب 12 ماتش بس، سجل فيهم هدفين وماداش أي أسيست.
دلوقتي بعد ما رجع، الجمهور مستني يشوف أحمد حمدي هيقدر يقدم إيه مع الزمالك فـ الفتره الجايه، خصوصًا وإن الفريق داخل على مباريات مهمه فـ الدوري و الكاس.
