فينيسيوس قدام تحدي جديد مع تشابي ألونسو في ريال مدريد
يبدو إن فينيسيوس جونيور حيعيش فترة مختلفة تماماً مع ريال مدريد تحت قيادة المدرب الجديد تشابي ألونسو، اللي قرب يتولى تدريب الفريق بعد رحيل أنشيلوتي لتدريب منتخب البرازيل.
فينيسيوس مستواه نزل شوية الموسم ده، خصوصاً مع تراجع أداء الفريق بشكل عام مع أنشيلوتي، لكن مع تشابي ممكن تتغير حاجات كتير، لأن ألونسو مدرب عنده فكر تكتيكي عالي، وبيعتمد على الاستحواذ والضغط والتنظيم الدفاعي.
فينيسيوس غالباً مش حيكون الجناح التقليدي اللي يمسك الكورة ويراوغ بس، لا، ألونسو ممكن يطوره ويخليه يفكر أكتر في التحرك من غير كورة، واختيار الأماكن الصح في الملعب، واتخاذ قرارات أذكى قدام المرمى، خاصة إن فيني سجل بس 8 أهداف في الدوري لحد دلوقتي.
ولو ألونسو قرر يلعب بخطته 3-4-2-1 زي ما عمل في ليفركوزن، ممكن نشوف فينيسيوس وياه لاعب تاني ورا المهاجم، وده ممكن يديه حرية أكبر ويفتح له مساحات.
التحدي الكبير حيكون في التوفيق بينه وبين مبابي، لأن الاتنين يفضلوا الجناح اليسار، فالموضوع محتاج توازن كبير.
فينيسيوس عنده فرصة حقيقية يتطور ويثبت نفسه مع مدرب زي ألونسو، بس محتاج شوية صبر وتكيّف.
