إعارة إريك غارسيا لجيرونا كانت نقله ذهبيه لمسيرته الكرويه
ممكن نقول إن إعارة إريك غارسيا لجيرونا كانت واحده من أنجح الصفقات اللي عملها برشلونه بآخر 15 سنه.
اللي خلى التجربه دي مميزه فعلاً هو الشغل الكبير اللي عمله المدرب ميتشيل معاه، المدرب ده قدر يغير مستوى اللاعب بشكل محدش كان متوقعه.
إريك غارسيا لما جه من مانشستر سيتي، كان بيعاني من مشاكل واضحه، خاصة من الناحيه البدنيه، كان ضعيف في الالتحامات وماعندوش البُنيه الجسديه اللي تساعده في مركزه كمدافع.
بس مع الوقت، وبفضل التدريبات والشغل الفردي مع ميتشيل، بدأ يتحسن بشكل كبير.
الولد بقى أقوى في التحامات الواحد لواحد، وتحسن جسمه بشكل باين، وكمان زاد تركيزه التكتيكي. تحس إنه رجع يلاقي نفسه من تاني، خصوصاً إن جيرونا إدّت له الفرصه يلعب باستمرار، حاجه كان محتاجها من زمان.
الإعارة بالنسبه لإريك كانت طوق نجاه فعلاً، وساعدته إنه يرجع لمستواه، ويمكن كمان يرجع برشلونه الموسم الجاي وهو لاعب تاني تماماً، أقوى وأنضج.
