مبابي على بعد خطوه من إنجاز تاريخي جديد في الليغا الإسبانيه
الفرنسي كيليان مبابي، نجم ريال مدريد، قرّب جداً من إنه يحقق إنجاز كبير لو قدر يتوّج بجايزة “البيتشيتشي” كهداف الدوري الإسباني.
مبابي بقى في صدارة الهدافين بعد ما سجل هاتريك تاريخي في الكلاسيكو قدام برشلونة، وده خلى فرصه كبيره في إنه يخلص الموسم كأفضل هداف في الليغا.
لو قدر مبابي ياخد لقب هداف الدوري الإسباني، بعد ما كان هداف الدوري الفرنسي الموسم اللي فات، هيبقى كده عامل إنجاز مش بسيط خالص، ويدخل قائمة قصيرة جداً من المهاجمين اللي توّجوا بلقب الهداف في دوريين كبار من أوروبا.
اللي سبقوه للإنجاز ده كانوا ٣ مهاجمين بس:
السويدي زلاتان إبراهيموفيتش، خد لقب الهداف في الدوري الإيطالي سنة 2012، وبعدين في الدوري الفرنسي 2013.
كمان البولندي روبيرت ليفاندوفسكي عملها في الدوري الألماني والإسباني.
وأخيراً الإنجليزي هاري كين اللي تألق في البريميرليغ، وسنة أولى في البوندسليغا وبيتصدر الهدافين.
دلوقتي مبابي على بعد خطوه صغيره من إنه يضيف اسمه معاهم، وده هيعزز مكانته كواحد من أفضل مهاجمين العصر الحالي.
