افضل شهادات بنك مصر والبنك الاهلي المصري 2025 وبعض البنوك المصرية باعلي عائد شهري
لو بتدور على بنك كبير ومستقر وعنده شهادات بعوايد محترمة، يبقى أكيد البنك الأهلي من أول الخيارات اللي تيجي في بالك والبنك بيقدم شهادات تناسب كل الناس سواء بتحب تاخد العائد كل شهر أو تسيبه يتراكم , من أبرز الشهادات عنده، الشهادة البلاتينية المتدرجة، ودي مدتها 3 سنين وبتبدأ بعائد 30٪ في السنة الأولى وبيقل تدريجي بعد كده وفي كمان الشهادة السنوية اللي بتديك 27٪ سنوي، ولو بتحب العائد الشهري، هتاخد 23.5٪. ولو عايز حاجة بمرونة أكتر، فيه كمان شهادة يومية بعائد شهري 23٪.
شهادات بنك مصر
بنك مصر بيخاطب الناس اللي عايزة تستثمر بأمان وفي نفس الوقت تطمن إن العائد عالي ومضمون وده باين من الشهادات اللي بيقدمها واللي فعلاً بتنافس جامد في السوق.
من أهم الشهادات عنده شهادة طلعت حرب، واللي بتقدم عائد 27٪ سنوي أو 23.5٪ شهري، ودي تعتبر من أعلى النسب دلوقتي وكمان فيه شهادة القمة، مدتها 3 سنين وعائدها السنوي 21.5٪، وبتناسب الناس اللي بتحب تسيب الفلوس مدة طويلة بعائد ثابت.
بنك ناصر الاجتماعي
البنك ده بيهتم بفئة معينة في المجتمع، وبيقدم شهادات خاصة لكبار السن تحت اسم “رد الجميل”، واللي فعلًا بتقدم مميزات قوية مش بتلاقيها في بنوك تانية.
الشهادة الأولانية مدتها سنة واحدة بعائد 22٪ سنوي أو 20.5٪ شهري، أما التانية فمدتها 3 سنين وبيديك 24.25٪ في السنة أو 22.25٪ شهري، ودي بتناسب الناس اللي عايزة تحط مبلغ وتعيش من عائده شهرياً.
بنك قطر الوطني QNB
لو انت من الناس اللي بتحب العائد الشهري المنتظم وبتدور على استثمار ثابت لمدة طويلة، يبقى شهادات QNB من الخيارات اللي تستاهل تتفكر فيها.
البنك بيقدم شهادات مدتها 3 سنين، والعائد الشهري فيها بيتراوح من 20٪ لـ20.15٪، والحد الأدنى للشراء مش عالي، 1000 جنيه بس، وده بيخليها مناسبة لفئات كتير.
البنك التجاري الدولي CIB
لو معاك مبلغ كبير وبتفكر تستثمره في حاجة محترمة، يبقى CIB عنده شهادات مميزة فعلاً، بس محتاجة رأس مال كبير شوية.
أعلى شهادة عنده هي شهادة بريميوم، ودي بعائد شهري 22٪ بس لازم تبدأ من 5 مليون جنيه وفيه كمان شهادة بلس بعائد 21٪، وبتبدأ من مليون، وشهادة برايم بعائد 20٪، وممكن تدخل بيها بـ100 ألف جنيه ومناسبة أكتر للي بيفكر في استثمار طويل المدى بأرقام كبيرة.
