فرحة المصريين زيادة جديدة في بطاقات التموين 2025 والتموين توضح التفاصيل بالكامل
الفترة الاخيرة ناس كتير بتسأل هل فعلا في زيادة جديدة على بطاقة التموين؟ ولا كل اللي بيتقال على السوشيال مجرد اشاعات؟ وده طبيعي لان الظروف بقت صعبة والاسعار بتعلى كل يوم، من البنزين لانبوبة البوتاجاز وفالمواطن اللي عايش على بطاقة التموين بيبص لاي خبر ممكن يخفف عنه ولو حتى بحاجة بسيطة.
في شهر مارس اللي فات وزارة التموين فعلا بدأت تصرف دعم اضافي لبعض البطاقات، وكان في اسر اخدت 250 جنيه وفي غيرهم اخدوا 125 جنيه، وده بيرجع لعدد افراد الاسرة وحالتهم الاقتصادية والدعم ده استمر في ابريل، ووفق كلام الوزارة حوالي 10 مليون بطاقة استفادت فعليا.
المفاجأة ان الوزارة اعلنت كمان ان الاسر اللي ماخدتش الدعم في مارس هتاخد 500 جنيه في الشهر الحالي، وده يعتبر دفعة قوية للمواطنين اللي بيعتمدوا على التموين بشكل اساسي في اكلهم وشربهم.
اسعار السلع التموينية لشهر ابريل 2025
- زيت خليط 800 مل بــ 30 جنيه
- سكر معبا 1 كجم بـ 12.60 جنيه
- دقيق ورقي او بلاستيك 1 كجم بـ 18 جنيه
- خل 900 مل بـ 6 جنيه
- مكرونة 800 جرام بـ 13 جنيه
- فول معبا 500 جرام بـ 9 جنيه
- عدس مجروش 500 جرام بـ 21 جنيه
- صلصة 300 جرام بـ 8 جنيه
التموين بقى حاجة اساسية في حياة ملايين المصريين، واي زيادة بتحصل فيه بتفرق جدا، مش بس في الاكل، لكن في الاحساس ان الحكومة لسه واقفة جنب الناس ورغم ان في تضارب في الاخبار، بس لحد دلوقتي الدعم الاضافي شغال ومكمل، واللي ماخدش في مارس هيلاقي نفسه بياخد في ابريل.
