التعليم توضح جدول امتحانات الصف الخامس الابتدائي 2025 الترم الثاني وكمان الصف الثالث الابتدائي
الناس كلها بتسأل اليومين دول عن جدول امتحانات خامسة ابتدائي 2025، خصوصًا بعد ما الحصص قربت تخلص والمدرسين خلصوا شرح تقريبًا، وكل البيوت دخلت في مود الاستعداد والطلبة عايزين يراجعوا، والأهالي عايزين يلحقوا يشوفوا المواد، والكل عايز يعرف “هنمتحن إمتى؟”
طب فين الجدول؟ وأخبار الامتحانات إيه؟ اللي وصل لحد دلوقتي إن محافظة قنا أعلنت الجدول بتاع شهر أبريل، واللي غالبًا بيكون نموذج لباقي المحافظات، بس طبعًا كل محافظة ممكن تعدل يوم أو مادة حسب ظروفها.
جدول الصف الخامس الابتدائي 2025
- الخميس 24 أبريل: لغة عربية + تربية دينية
- الاثنين 28 أبريل: علوم + مهارات مهنية
- الثلاثاء 29 أبريل: دراسات + تكنولوجيا معلومات
- الأربعاء 30 أبريل: إنجليزي + رياضيات
يعني أربع أيام ورا بعض، كله مضغوط ومفيش فُسحة، لازم الواحد يبدأ يراجع من دلوقتي.
جدول الصف الثالث الابتدائي 2025
أيوه، ما هي المراحل كلها ماشية مع بعض، وده جدولهم في نفس الأسبوع:
- الخميس 24 أبريل: لغة عربية
- الاثنين 28 أبريل: تربية دينية
- الثلاثاء 29 أبريل: لغة أجنبية
- الأربعاء 30 أبريل: رياضيات
الوزارة بقالها فترة بتقول إن الامتحانات لازم تكون متوازنة، لا سهلة أوي ولا صعبة، الورقة لازم تكون فيها أسئلة مباشرة عشان الطالب يفهم، وكمان لازم يكون فيها شوية تفكير عشان تفرق بين اللي ذاكر واللي حافظ وخلاص.
