فقدت جواز سفرك؟ تعرّف على خطوات التبليغ عبر أبشر والشروط المطلوبة
في حال فقدان جواز السفر، يكون الموقف محرج ومقلق للكثير من الناس، خصوصًا إن الجواز يعتبر من أهم الوثائق الرسميه اللي يستخدمها المواطن أو المقيم في التنقل والسفر خارج المملكة عشان كذا، الجهات الحكومية في السعودية ما قصّرت، وسهلت على الناس موضوع التبليغ عن الجواز الضايع من خلال الخدمات الإلكترونية المتطوّره، وبالذات عبر منصة أبشر
التبليغ ما عاد يحتاج مراجعات مكاتب ولا طوابير، تقدر تسويه من جوالك في دقائق، لكن مهم إنك تعرف الخطوات الصح والشروط اللي تضمن قبول البلاغ بدون مشاكل.
طريقة الإبلاغ عن فقدان جواز السفر عبر منصة أبشر
منصة أبشر تعطيك خدمة الإبلاغ عن فقدان الجواز بشكل إلكتروني وسهل، وعلشان تسجل البلاغ، اتبع الخطوات التالية:
- ادخل على موقع منصة أبشر الرسمي.
- سجل دخولك ببياناتك: اسم المستخدم أو رقم الهوية وكلمة المرور.
- أدخل رمز التحقق اللي يوصلك على الجوال.
- اختار “أبشر أفراد” من القائمة الرئيسية.
- من الخدمات الإلكترونية، اضغط على خيار “الجوازات”.
- بعدين، اختار “الإبلاغ عن فقدان جواز السفر”.
- عب النموذج الإلكتروني بالبيانات التالية:
- رقم الجواز
- تاريخ الإصدار
- جهة الإصدار
- تاريخ ومكان الفقدان
- تأكد إن كل المعلومات اللي كتبتها صحيحه.
- اضغط على “تأكيد الإبلاغ” عشان يتم إرسال الطلب.
- بيجيك إشعار على بريدك الإلكتروني فيه تأكيد رسمي باستلام البلاغ.
الشروط اللي لازم تلتزم فيها عند تقديم البلاغ
قبل ما تقدم البلاغ، تأكد إنك مستوفي الشروط التالية:
- لازم يكون عندك حساب فعال في منصة أبشر.
- البلاغ لازم يقدمه صاحب الجواز نفسه، أو ولي أمره إذا كان قاصر.
- بعد ما تسجل البلاغ، الجواز يعتبر ملغي وما تقدر تستخدمه نهائيا.
- لازم تقدم طلب إصدار جواز جديد بعد التبليغ.
- لو تكرر فقد الجواز، بتفرض عليك غرامه حسب نظام الجوازات في السعوديه.
لا تنتظر إذا ضاع جوازك، قدم البلاغ بأسرع وقت لتجنب أي مشاكل قانونية أو استخدام خاطئ للجواز وكل ما كانت معلوماتك دقيقة، كل ما كانت العملية أسرع وأسهل.
