شروط الإفراج عن سيارات المعاقين 2025 في مصر.. اعرف التفاصيل وخطوات التقديم أونلاين
ناس كتير من ذوي الهمم في مصر بيدوروا اليومين دول على شروط الحصول على سيارات المعاقين المعفاة من الجمارك لسنة 2025، خصوصًا بعد ما زاد الكلام حوالين قرارات جديدة بتنظم استيراد العربيات دي والحكومة بتحاول تظبط الدنيا وتقدم التسهيلات، بس في نفس الوقت حاطة شوية شروط لازم تتوفر في الشخص علشان يقدر يستفيد بالعربية المجهزة طبيًا.
لو إنت أو حد من أهلك من ذوي الإعاقة وبتفكر تقدم على عربية، ركز معانا في السطور اللي جاية، علشان نوضحلك كل حاجة بالتفصيل: من الشروط، للخطوات، للمستندات المطلوبة.
أهم الشروط المطلوبة علشان تفك الجمارك عن عربية المعاقين 2025:
- لازم يكون المتقدم مصري الجنسية وسنه 18 سنة أو أكتر.
- العربية تكون باسم الشخص نفسه اللي معاه الإعاقة.
- سعة المحرك ما تعديش 1200 سي سي.
- العربية تكون مجهزة طبيًا حسب الكشف الطبي اللي هيتم.
- ممنوع بيع العربية قبل مرور 5 سنين من تاريخ الإفراج الجمركي.
- تقديم تقرير اجتماعي يوضح الحالة المادية للشخص.
- المجلس الأعلى لتقييم الإعاقة لازم يشوف إن فيه احتياج حقيقي للعربية.
خطوات التقديم على عربية معاقين معفاة من الجمارك 2025:
الحكومة دلوقتي سهّلت التقديم كله عن طريق منصة إلكترونية من غير لف ودوران. وده بيتم كالتالي:
- استخرج بطاقة الخدمات المتكاملة من وزارة التضامن الاجتماعي.
- احجز موعد للكشف الطبي عن طريق موقع المجالس الطبية المتخصصة.
- اكتب بياناتك زي الرقم القومي، نوع الإعاقة، الحالة الاجتماعية، العنوان، رقم التليفون.
- حدد نوع الإعاقة (حركية، سمعية، بصرية، ذهنية، نفسية).
- اختار المكان اللي هتروح تكشف فيه، زي:
- الإدارة العامة للمجالس الطبية في القاهرة
- المجلس الطبي العام في الإسكندرية
- أي مجلس طبي عام في محافظتك
- اختار جمرك الاستلام الأقرب ليك.
- اطبع استمارة التسجيل اللي فيها كل بياناتك والمستندات المطلوبة.
الأوراق المطلوبة علشان تحجز الكشف وتعرف النتيجة:
قبل ما تحجز، لازم تجهز الورق ده:
- صورة بطاقة الرقم القومي تكون سارية وواضحة.
- بطاقة الخدمات المتكاملة اللي من وزارة التضامن.
- رخصة القيادة (لو موجودة ويفضل تبقى سارية).
- تقارير طبية تثبت نوع الإعاقة ونسبتها بدقة.
لو خلصت كل الخطوات دي وورقك سليم، هتقدر تقدم على العربية، وتستلمها لما يتوافق على حالتك وبس خليك متابع دايمًا للمنصة والموقع الرسمي علشان تعرف أي تحديثات أو تغييرات ممكن تحصل.
