حقيقة زيادة معاشات شهر مايو 2025 التفاصيل الكاملة من بوابة سعودي أون
في الأيام اللي فاتت، لاحظنا زيادة كبيرة في البحث عن زيادة معاشات شهر مايو 2025، وناس كتير من أصحاب المعاشات بيسألوا نفس السؤال”هو فعلاً المعاش هيزيد؟ ولا دي مجرد اشاعه؟”، وده طبيعي جدًا في وقت الناس فيه بتحاول تدبّر مصاريفها وسط الأسعار اللي كل يوم بتعلى أكتر من اللي قبله.
وفي وسط الكلام الكتير اللي بيتقال على الفيس بوك وتويتر، بوابة سعودي أون قررت توضحلكوا الحقيقة كاملة، من غير تهويل، ومن غير ما ندي أمل كداب.
هل في زيادة فعلًا في معاشات شهر مايو؟
الرد الرسمي اللي وصل من مصادر داخل الحكومة إن مافيش أي زيادات جديدة هتتطبق على المعاشات في شهر مايو 2025، يعني الناس هتقبض نفس المبالغ اللي قبضتها في الشهور اللي فاتت.
لكن اللي نعرفه ومؤكد، إن في زيادة جاية في شهر يوليو الجاي، ضمن الزيادة السنوية اللي بتطبقها الدولة على المعاشات، ودي بتكون عادة بنسبة معينة بيتم تحديدها حسب وضع الموازنة العامة، والظروف الاقتصادية اللي بتمر بيها البلد.
المعاش هيتصرف امتى؟
معاشات مايو هتبدأ تتصرف من يوم 1 في الشهر، والناس تقدر تقبض من كذا مكان:
- من خلال مكاتب البريد
- أو من ماكينات الصراف الآلي ATM
- أو عبر المحافظ الإلكترونية زي فودافون كاش أو غيره (لو مفعلها)
كل واحد على حسب طريقته، وبدون أي تأخير زي ما حصل قبل كده.
إزاي تستعلم عن معاشك؟
لو حابب تتأكد من تفاصيل المعاش بتاعك أو تعرف القيمة اللي هتتصرف، اتبع الخطوات دي:
- افتح موقع الهيئة القومية للتأمينات الاجتماعية
- سجل دخولك لو عندك حساب، أو اعمل حساب جديد
- من الخدمات، اختار “صاحب المعاش”
- بعدين اضغط على “الاستعلام عن بيانات ملف المعاش”
- دخل البيانات المطلوبة
- اضغط “استعلام” وهتظهرلك كل المعلومات اللي محتاج تعرفها
ببساطة، الدولة بتحاول توزن بين دعم المواطنين، وبين ضغوط الاقتصاد العام وتأجيل الزيادة لحد يوليو مش معناه إن الحكومة متراجعة، بالعكس، هي بتحاول تزبط التوقيت بحيث الزيادة تكون مؤثرة بجد، ومش مجرد رقم وخلاص.
صحيح مافيش زيادة في معاش مايو، لكن يوليو مش بعيد، واللي جاي ممكن يكون أفضل , تابعونا في بوابة سعودي اون لكل جديد عن المعاشات والدعم الحكومي.
