وزارة المالية موعد صرف معاشات شهر مايو 2025 وجدول الشرائح الجديدة
في ناس كتير بتستنى ميعاد صرف المعاش كل شهر كإنه يوم المرتب، لإن ببساطه هو ده الدخل الأساسي اللى بيعيشوا منه وخصوصًا مع الظروف الاقتصادية الصعبة والأسعار اللى بقت نار، المعاش بقى بالنسبالهم طوق نجاة وعشان كده الحكومة بتحاول تساعدهم كل سنة بزيادة بسيطة تساعدهم يعيشوا حياة أكرم شوية، وميحسوش إنهم لوحدهم. وفي الفترة الاخيرة، ناس كتير بقت تسأل: يا ترى المعاش هينزل إمتى في مايو 2025؟
ميعاد صرف المعاشات في مايو 2025
الهيئة القومية للتأمين الإجتماعي قالت إن صرف معاشات شهر مايو 2025 هيبدأ من يوم 1 في الشهر، وهيستمر لحد آخره ويعني أي حد ليه معاش يقدر يصرفه من أي ماكينة ATM، أو من خلال فوري، أو حتى من مكاتب البريد اللي منتشره في كل حته وسواء كنت في القاهرة أو في أقصى الصعيد، هتلاقي مكان تقدر تصرف منه.
جدول شرائح التأمينات الاجتماعية الجديد في 2025
دلوقتي نروح على حاجة مهمة جدًا، وهي جدول الشرائح بتاع التأمينات، وده اللي بيحدد المعاش اللى هتاخده:
- الشريحة الأولى: 1495 جنيه
- الشريحة التانية: 1725 جنيه
- الشريحة التالته: 1840 جنيه
- الشريحة الرابعة: 2300 جنيه
- الشريحة الخامسه: 2645 جنيه
- الشريحة السادسه: 2990 جنيه
- الشريحة السابعه: 3335 جنيه
- الشريحة التامنه: 3680 جنيه
- الشريحة التاسعه: 4025 جنيه
- الشريحة العاشره: 4370 جنيه
- الشريحة الحادية عشر: 4715 جنيه
- الشريحة التانيه عشر: 5060 جنيه
- الشريحة التالته عشر: 5405 جنيه
- الشريحة الرابعه عشر: 11592 جنيه
خد بالك إن الزيادات دي بتتغير كل فترة حسب الظروف وحسب قرارات الحكومة، فمتستغربش لو الشهر الجاي لقيت المعاش اتغير شوية.
