وزارة التربية والتعليم تعلن جدول امتحانات الترم التاني 2025 لكل المراحل التعليمية
الآلاف من الطلبه وأولياء الأمور بقوا بيسألوا كل يوم عن ميعاد امتحانات الترم التاني للسنة الدراسية 2024/2025، خصوصًا مع قرب انتهاء المناهج وزارة التربية والتعليم والتعليم الفني بترأس الدكتور محمد عبداللطيف أعلنت بشكل رسمي عن مواعيد الامتحانات لكل صفوف النقل والشهادة الإعدادية بس خد بالك، الجداول ممكن تختلف من محافظة للتانية، ماعدا الإعدادية اللى بتبقي على مستوى الجمهورية.
ميعاد امتحانات الترم التاني للمرحله الابتدائيه
بالنسبه لصفوف النقل من الصف الرابع لحد السادس الابتدائي، وزارة التعليم حددت يوم 14 مايو 2025 كبداية رسميه للامتحانات وده معمول بيه في كل المحافظات، يعني الجدول نفسه في القاهرة هو هو في سوهاج أو مطروح.
ميعاد امتحانات الترم التاني للشهادة الإعدادية
الشهادة الإعدادية بتمثل نقطه فاصلة فـ حياة الطالب، لإنه بعدها بيبدأ يحدد طريقه؛ ثانوي عام، صنايع، تجاري أو زراعي والامتحانات هتبدأ يوم 24 مايو 2025 على مستوى الجمهورية كلها، والجدول بيكون موحد.
موعد امتحانات الدبلومات الفنية
وزارة التربية والتعليم أكدت إن امتحانات الدبلومات هتبدأ من يوم 1 يونيو 2025، وده يشمل كل التخصصات زي الصنايع والتجاري والزراعي والفندقي كل الطلبة هيبدأوا فـ نفس التوقيت، بس الجدول بيتقسم حسب التخصص.
ميعاد امتحانات الثانوية العامة 2025
الثانوية العامة؟ دى بقى السنه اللى كل البيوت المصريه بتبقى متوترة بسببها وفعلاً الضغط بيكون عالي جدًا على الطلبه الوزارة أعلنت إن الامتحانات هتبدأ يوم الحد 15 يونيو 2025، وهتستمر لحد يوم 10 يوليو يعني تقريبا حوالى شهر من المعاناة والمراجعه والقلق.
مواعيد امتحانات الترم التاني 2024/2025
| المرحلة التعليمية | الميعاد الرسمي للامتحانات |
|---|---|
| صفوف النقل بالمرحلة الابتدائية | من يوم 14 مايو 2025 |
| الشهادة الإعدادية | من يوم 24 مايو 2025 |
| الدبلومات الفنية (صناعي – تجاري – زراعي – فندقي) | من يوم 1 يونيو 2025 |
| الثانوية العامة | من يوم 15 يونيو 2025 لـحد يوم 10 يوليو |
الامتحانات بتبدأ في نفس الميعاد في كل المحافظات، ماعدا جداول صفوف النقل اللى ممكن تختلف من محافظة للتانية , شهادة الإعدادية والسنوية العامة جداولهم موحدة على مستوى الجمهورية كلها , لو في أي تغيير في المواعيد، وزارة التعليم هتعلن رسميًا من خلال صفحاتها ومواقعها الرسمية، فـ تابع الأخبار أول بأول.
