موبايل Realme Note 60x الجديد – بطارية جبارة وسعر اقتصادي

تاريخ النشر: منذ 12 ساعة

🖊️ خالد جمال

📷 موبايل Realme Note 60x

شركة ريلمي نزلت موبايل جديد اسمه Realme Note 60x، واللي بيجي بمواصفات مناسبة جدًا للناس اللي بتدور على موبايل في الفئة الاقتصادية، من غير ما يضحوا بتجربة الاستخدام اليومية والتصميم شكله عصري، والموبايل كمان بيتحمل الاستخدام، وده بيخليه اختيار ممتاز لو ميزانيتك محدودة وعايز حاجة تعيش معاك.

مواصفات Realme Note 60x بالتفصيل

الشاشة: مقاسها 6.74 بوصة، بدقة 720×1600 بكسل، فيها نوتش بسيط في الجزء العلوي للكاميرا السيلفي
المعالج: أداءه متوسط، لكنه مقبول جدًا في الفئة دي، وهتقدر تفتح برامج وتلعب ألعاب خفيفة من غير تهنيج
الكاميرات: خلفية 8 ميجا بيكسل، وأمامية 5 ميجا بيكسل، مناسبة للصور العادية والسوشيال
البطارية: 5000 مللي أمبير، وهتعيش معاك اليوم كله من غير ما تحتاج تشحن
النظام: أندرويد 14
الشبكات: بيدعم شريحتين اتصال وكمان كارت ميموري

مميزات Realme Note 60x

بطارية ضخمة بتكمل معاك يوم ورا يوم
تصميم مقاوم للصدمات وكمان للمية
بيشغل شريحتين مع كارت ميموري في نفس الوقت
أداء ثابت مع المعالج، خصوصًا في الاستخدام العادي

عيوب Realme Note 60x

مفيهوش مستشعر بصمة، وده ممكن يكون ناقص لبعض الناس
الكاميرات مش أقوى حاجة، مناسبة للصور السريعة بس مش هتطلع بيها صور احترافية
مفيش ميكروفون إضافي لعزل الضوضاء، وده بيأثر شوية على المكالمات في الأماكن الزحمة

سعر Realme Note 60x في مصر

الموبايل نزل في نسختين مختلفين، والسعر يعتبر كويس جدًا مقابل الإمكانيات:

نسخة 64 جيجا مع 3 جيجا رام بسعر 4600 جنيه
نسخة 128 جيجا مع 5 جيجا رام بسعر 5300 جنيه

وده بيخليه منافس قوي في الفئة دي، خصوصًا لو استخدامك الأساسي هو مكالمات، واتساب، ويوتيوب , Realme Note 60x يعتبر اختيار كويس جدًا لو إنت بتدور على موبايل رخيص ويكمل معاك، خصوصًا في البطارية والشاشة لكن لو مهتم بالكاميرا أو عايز مستشعر بصمة، ممكن تبص على موديلات تانية في نفس الفئة.