أوبو رينو 11 برو – Reno 11 Pro تصميم فخم ومواصفات ترفع سقف المنافسة
شركة أوبو قررت تدخل بقوة في الفئة المتوسطة العليا، وده من خلال موبايلها الجديد Reno 11 Pro، واللي بيوصل بتصميم أنيق جدًا ومواصفات تقرب من الفئة الرائدة، وسعره أقل بكتير من المنافسين الكبار وشكله الخارجي فخم، واللي يشوفه صعب يصدق إنه من الفئة المتوسطة.
الموبايل جاي بجسم زجاجي منحني، مع فريم معدن، وألوان بتدي إحساس بالرقي، زي الأخضر الزمردي والأسود اللامع، وتصميمه من الآخر يلفت النظر وزنه 181 جرام بس، وسُمكه رفيع (حوالي 7.6 مم)، فهتحسه خفيف وشيك في الإيد.
أما الشاشة، فهي من نوع OLED، حجمها 6.7 بوصة، بدقة +FHD ومعدل تحديث 120 هرتز، وبتدعم HDR10+، وسطوع يوصل لـ 950 شمعة، وده بيخليها ممتازة سواء في الألعاب أو تحت الشمس.
أداء ثابت وكاميرا زووم خارقة وشحن سريع جدًا
اللي بيميز Reno 11 Pro فعلًا هو الكاميرا التليفوتو، اللي بتيجي بدقة 32 ميجا بيكسل، بتقرب بصري لحد 2x، وتقريب رقمي يوصل لـ 20x، مع تثبيت ذكي للصورة ومعالجة احترافية والكاميرا الأساسية 50 ميجا بيكسل بمستشعر Sony IMX890، وبتطلع صور حلوة جدًا حتى في الإضاءة الضعيفة.
من ناحية الأداء، المعالج هنا هو Snapdragon 778G، مع رام 8 أو 12 جيجا وسعة داخلية 256 جيجا (UFS 3.1)، يعني شغل تقيل، العاب، تصوير، كل حاجة تمشي بسلاسه ووالبطارية؟ 4600 مللي أمبير، بتدعم شحن سوبر فاست 80 واط، يعني من صفر لـ 100% في أقل من نص ساعة.
الموبايل بيشتغل على واجهة ColorOS 14 المبنية على أندرويد 14، واللي فيها مزايا جديدة زي تعدد المهام، حفظ البطارية، وخصوصية أعلى وبيشتغل كمان على شبكة 5G وWi-Fi 6، ومعاه نظام تبريد يخلي الموبايل ميسخنش مع الاستخدام الكتير.
السعر الرسمي بيبدأ من حوالي 430 دولار، أو ما يقرب من 13,000 جنيه مصري، وده بيخليه منافس شرس لموبايلات أعلى منه في السعر، ومع المواصفات دي، هو اختيار ذكي للي عايز موبايل شبه فلاجشيب بس بسعر أقل.
