أوبتا يرشح أرسنال لحصد الأبطال وبرشلونه يتراجع للمركز الأخير
بعد ما إنتهى دور ربع النهائي من بطولة دوري أبطال أوروبا، واللي شهد مفاجآت مدويه بخروج فرق كبيره مثل ريال مدريد، تأهلت أربع فرق كبار وهم: أرسنال، برشلونه، باريس سان جيرمان، وإنتر ميلان.
شبكه “أوبتا” العالميه والمتخصصه في الاحصائيات الرياضيه استخدمت الذكاء الاصطناعي عشان تتوقع مين الفريق الأقرب لحصد لقب دوري الأبطال هالموسم.
والمفاجأه إن أرسنال تصدّر القائمه كأكثر فريق عنده فرصه يحقق اللقب، بنسبة وصلت 28.7%، بعد ما نجح في إخراج ريال مدريد من البطوله.
أما إنتر ميلان، اللي عنده سجل قوي بالبطولات الأوروبيه، جاي ثاني بالقائمه بنسبة 25.5%، يليه باريس سان جيرمان اللي للحين يحاول يحقق حلمه الأوروبي، ونسبته كانت 24%.
المثير إن برشلونه، واللي كان مرشح قوي بالمرحله السابقه، تراجع للمركز الرابع والأخير بين المتأهلين بنسبة 21.8%، رغم مستواه الثابت وتجاوزه الفرق السابقه.
هذي التوقعات فتحت باب النقاش بين الجمهور، خصوصاً إن الكوره ما تعرف منطق، ودايم النتائج بالميدان تختلف عن الاحصائيات وكل فريق عنده نقاط قوه وضعف، و90 دقيقه تقدر تقلب كل شي.
المباريات الجايه بتكون نار، والكل مترقب يشوف مين بيرفع الكأس في النهايه. هل يفاجئنا أرسنال؟ ولا برشلونه يرد على التوقعات بطريقته؟
