أرسنال يكرر فوزه عـ ريال مدريد وبيكهام يشيد بتكتيك أرتيتا الناجح
في مفاجأه جديده ومواصله لـ التفوق الأوروبي، قدر أرسنال الإنجليزي يفوز مره ثانيه على ريال مدريد بنتيجة 2-1 في إياب ربع نهائي دوري أبطال أوروبا، بعد ما كان فايز ذهاباً بثلاثيه نظيفه، وبكدا يحسم تأهله لـ نصف النهائي بكل جداره واستحقاق.
المباراة اللي اقيمت في ملعب الإمارات شهدت سيطره واضحه من جانب الجانرز، واللي وضحو إنهم داخلين بحماس كبير وقتال على كل كوره، بينما ريال مدريد ظهر عليه التوتر وقله التركيز، خصوصاً في الخط الدفاعي.
النجم الإنجليزي المعتزل ديفيد بيكهام علّق على المباراه وقال: “أرسنال قدم أداء ممتاز، والإداره من أرتيتا كانت ممتازه بجد بصراحه كنت متوقع الريال يرجع في المباراه، بس واضح إن أرسنال عرف يسيطر من أول دقيقة الدفاع كان ممتاز وكلهم لعبو بروح عاليه.”
وبالرغم من إن الريال حاول يرجع في الدقايق الأخيره وسجل هدف، بس الوقت ما اسعفهم، وخروجهم من البطوله كان واقع لازم يتقبلوه.
الفوز دا بيأكد إن أرتيتا ماشي بفريقه في طريق بطولي، وقدامهم مواجهه قويه في نصف النهائي، بس لو كملو على نفس الأداء، ممكن يحلمو باللقب الأوروبي الغايب من زمان.
دلوقتي كل الأنظار متجهه لـ أرسنال ومين هيتقابلو معاه في الخطوه الجايه، ومعنوياتهم في السما بعد الإطاحه بريال مدريد الكبير.
