ريال مدريد تحت قيادة انشيلوتي يعيش فوضى بدون شخصيه فنيه واضحه
من اربع سنين تقريبا وانا بكتب في الصحف المختلفه، وعلى راسهم “هاي كورة”، ودايمًا العنوان ثابت وما تغير: “ريال مدريد مع انشيلوتي عايش حاله من الفوضى المدمره!”، وفعلاً الفريق حقق بطولات، بس السؤال الحقيقي هل تطور الفريق؟ هل فيه منظومه؟ هل اللاعبين تحسن مستواهم؟ الجواب بكل بساطه “لا”.
بصراحه الفريق ما عنده لا هويه ولا شخصيه واضحه، وكل انتصار يجي كأنه صدفه، ما في ولا مره فاز الريال بإقناع، والأمر صار محبط ومخجل لجمهور بحجم جمهور الملكي.
طيب، صح الإصابات كثيره، وصح فيه نواقص، بس مبرر إنك تتعثر في 19 مباراه من 54؟! يعني اكثر من تلت الموسم ضايع! كارثه فعلاً.
خسارات من فرق زي ليل، ميلان، بيتيس، فالنسيا، وحتى تعادلات مخيبه مع فرق أقل بكتير من الريال في كل حاجه، من لاعبين لميزانيات وكل دا يصير وأنت عندك أفضل تشكيله من اللاعبين في أوروبا؟!
في دوري الأبطال، كل الفرق قاتلت، حتى اللي عندهم غيابات، إلا أنشيلوتي، اللي انهزم من أرسنال رايح جاي بخمسه، وفريقهم ناقص نصه!
الحقيقه المره إن الجيل الحالي تدمر فنياً، ومحتاج شغل كثير، من مدرب يعرف يبني فريق ويلعب كوره صح، مش واحد كل خططه “بركه وتوفيق”.
