تشكيلة الأسبوع بالأبطال غريبة، أستون فيلا متصدر ولا نجوم البارسا
طلع موقع “Whoscored” بتشكيلة الأسبوع في دوري أبطال أوروبا، وخلّى الكل مستغرب من الإختيارات الغريبه اللي طلعت، خصوصًا إن الفرق اللي تأهلت لنصف النهائي ما كان لها نصيب كبير فيها!
يعني تخيل، أربع فرق تأهلت وهي: برشلونة، إنتر ميلان، أرسنال وباريس سان جيرمان، بس اللي دخل من لاعبيهم في التشكيله هو لاوتارو مارتينيز من إنتر وحكيمي من باريس فقط! والباقي؟ برّا!
اللي صدق فاجأ الجماهير هو وجود أربع لاعبين من أستون فيلا، مع إنه الفريق طلع من البطوله، بس التقييمات العالية اللي حصلوا عليها خلتهم يتصدرون التشكيلة وجاء بعدهم لاعبين من دورتموند، رغم إنه ما كمل الطريق برضه.
أما البارسا والأرسنال، فـولا لاعب منهم كان موجود في القائمة، واللي هو شي غريب خصوصًا إن الفريقين لعبوا مباريات كبيره وحققوا نتائج ممتازة.
هذا الشي خلّى كثير من المتابعين ينتقدون طريقة التقييم، وقالوا إن الأرقام أحيانا ما تعكس الأداء الحقيقي في أرضية الملعب وبدأت التساؤلات تطلع: “هل فعلاً فيلا لعب أفضل من البارسا؟”، و”وين نجوم أرسنال اللي تألقوا؟”
الناس للحين مستغربه، بس الواضح إن التشكيله هذي مبنيه على أرقام وتقييمات فرديه أكثر من النتايج الجماعيه، والجدل حولها شكله ما بيخلص بسرعه!
