ترامب يوقف الهجوم الإسرائيلي ع إيران ويختار التفاوض بدل الحرب
وسط توترات متزايده في الشرق الأوسط، قرر الرئيس الأميركي دونالد ترامب يوقف خطه عسكريه كانت إسرائيل ناويه تنفذها ضد مواقع نوويه إيرانيه في شهر مايو الجاي.
القرار ذا جا بعد شهور من نقاشات داخليه، فيها ناس كانت تؤيد الحرب، وناس كانت تفضل الحوار.
المصادر تقول إن إسرائيل كانت جاهزه تنفذ الهجوم ومرتبه له من وقت، وكان فيه أمل كبير إن أمريكا تكون داعم أساسي للهجوم ذا، خصوصاً عشان يقدرون يوقفون إيران عن تطوير سلاح نووي.
بس ترامب فجأ الجميع وقرر يوقف الخطه، ويعطي مفاوضات مع طهران فرصه.
فيه ناس داخل إدارة ترامب ما كانوا راضين، وكان فيه انقسام واضح بين اللي يشوفون إن الحل عسكري، واللي يشوفون إن الدبلوماسيه أفضل خصوصاً إن إيران حالياً تمر بضعف اقتصادي وعسكري، وشافت أمريكا إن الوقت مناسب للتفاوض بدال المواجهة.
ترامب، اللي ألغى الاتفاق النووي في ولايته الأولى، واضح إنه ناوي يخفف التوترات بولايتة الثانيه وبدأ فعلياً بفتح قنوات تفاوض مع الإيرانيين، وحدد مهله كم شهر عشان يوصلون لحل وسط.
السؤال الحين، هل فعلاً بتنجح الدبلوماسيه؟ ولا يرجع التوتر من جديد؟ القرار ذا فتح باب أمل، بس الوضع لسه حساس وكل شي ممكن يتغير فجأه.
