أنشيلوتي يعترف بتفوق أرسنال ويعلق على مستقبله مع الريال
خرج ريال مدريد من دوري الأبطال بعد هزيمه كبيره قدام أرسنال، بنتيجة 5-1 بمجموع المباراتين، بعد ما خسر 3-0 في لندن، وبعدها خسر تاني 2-1 على أرضه في البرنابيو، في صدمه لجمهور الريال اللي كان حالم باللقب.
أنشيلوتي طلع في تصريحات لصحيفة “ماركا” وقال بصراحه: “أرسنال كان الطرف الأفضل في الذهاب والإياب، واستحق التأهل”، وأكد إن ضربة الجزاء اللي اتلغت في بداية المباراة كانت ممكن تغير مجرى اللقاء، لكن ما حصلش التوفيق.
كمان قال: “ريال مدريد مش متعود على الخيبات، بس دي لحظات لازم نمر بيها عشان نرجع أقوى”، وبيّن إن الفريق لسه عنده طموحات في الدوري الإسباني وكأس الملك، وكمان كأس العالم للأنديه.
وعن مستقبله، قال أنشيلوتي: “لسه ما تحددش حاجة، ومش مركز دلوقتي غير في اللي جاي من الموسم”.
أرسنال كده هيقابل باريس سان جيرمان في نص نهائي دوري الأبطال، في مواجهه ناريه ممكن تفتح له باب أول لقب أوروبي كبير في تاريخه.
