فيلم اللعب مع العيال للنجم محمد إمام حقق نجاح كبير بعد ما اتعرض على المنصات الرقميه، وده بعد اقل من سنه من نزوله في السينمات، واللي وقتها كسر الدنيا وحقق إيرادات وصلت لـ59 مليون جنيه، وده الرقم الأكبر في تاريخ محمد إمام السينمائي.
الفيلم بيمزج بين الأكشن والضحك، وبيحكي عن علام، مدرس تاريخ بيقرر يروح يشتغل في مدرسه بالصحراء، وهناك بيقابل تحديات كتير وبيحاول يتجوز بنت بدويه، وده اللي بيخلق مواقف طريفه ومشاكل غريبه في نفس الوقت.
العمل بيضم كوكبه من النجوم زي أسماء جلال، باسم سمرة، حجاج عبد العظيم، ويزو، ومعاهم مصطفى غريب وسليمان عيد، وكمان ضيف شرف مميز ماجد الكدواني.
اللافت إن الفيلم هو أول شغل بين محمد إمام والمخرج الكبير شريف عرفه، اللي اشتغل قبل كده مع الزعيم عادل إمام في أفلام مشهوره زي اللعب مع الكبار و الإرهاب والكباب، وده اللي خلى التعاون له طابع خاص.
من ناحيه تانيه، محمد إمام بيجهز حاليًا لفيلم جديد بعنوان شمس الزناتي البدايه، واللي بيحكي قصه تكوين الشله الشهيره وبيشارك فيه عدد كبير من النجوم.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
