أرتيتا يفتخر بتأهل أرسنال بعد إسقاط ريال مدريد التاريخي
مايكل أرتيتا مدرب أرسنال عبّر عن فرحته الكبيره بعد ما قدر فريقه يتأهل لنصف نهائي دوري أبطال أوروبا على حساب ريال مدريد، وقال إن اللحظه دي تعتبر من أهم لحظات مشواره التدريبي.
أرسنال فاز على الريال في الذهاب بثلاث أهداف من غير رد، وبعدين كرر الفوز في البرنابيو 2-1، ليحسم التأهل بمجموع 5-1، في إنجاز كبير لتاريخ النادي اللي يوصل لنصف النهائي للمرة التالته بس.
أرتيتا قال في تصريحه للصحفيين: “من أول 3 دقايق في المباراة حسّيت إن عندنا فرصه حقيقيه وإننا نقدر نعمل مفاجأة في ملعبهم”.
وأضاف وهو بيضحك: “كنت عايز أصفع ساكا بعد ما ضيّع البلنتي، بس الحمد لله عدينا”.
وبيّن المدرب الإسباني إن أكتر حاجه أسعدته هي أداء اللعيبه وثقتهم بنفسهم، وقال: “ده هو المكافأه الحقيقيه ليا كمدرب، إني أشوف فريقي بيقدم كده قدام خصم زي الريال”.
وكشف كمان إنه اتكلم مع جوارديولا يوم المباراة، وقال عنه: “هو دايمًا مصدر إلهام ونصيحته بتفيدني جدًا”.
ودلوقتي بيستعد أرسنال لمواجهة باريس سان جيرمان في نصف النهائي في قمه ناريه.
