نور محمود يشيد بدنيا سمير غانم ويكشف عن كواليس مسلسل عايشة الدور
تحدث الفنان نور محمود عن تجربته في مسلسل عايشة الدور اللي جمعه مع النجمة دنيا سمير غانم، وقال إنه متأثر جدًا بشخصيتها اللي بتتميز بتنوع مواهبها الكبيرة نور وصف دنيا ب ـالفنانة الشاملة وقال إنها قادرة على تقديم كل الألوان الفنية سواء غناء أو استعراض أو دراما أو كوميديا، وده بيخليها واحدة من الفنانات النادرات اللي بتبرز في اي دور تقدمه.
نور محمود أضاف كمان إنه كان معجب بروح دنيا المرحة والطيبة خلال التصوير، خاصة في أسوان، وقال إنه كان دايمًا بيشوفها بتتعامل بلطف مع الجميع، حتى مع الأطفال بعد يوم تصوير طويل وكشف عن موقف طريف بينه وبين دنيا لما حاولت تقلد أغنية يلا يا أصحاب وده كان من أكتر الحاجات اللي أظهرت شخصيتها المرحة.
أما عن فكرة المسلسل، قال نور إنه بيناقش موضوع مهم عن التغير بين الأجيال والفجوة اللي بين جيل الشباب والأجيال السابقة بشكل كوميدي خفيف، وده بيخلي المسلسل يقدم فكرة جديدة وجميلة عن التفاعل بين الجيل الحالي والمجتمع.
