الهيئه العامه للأرصاد الجويه قالت إن بكره الجمعه 18 ابريل 2025، الطقس هيكمل في طريق السخونه، يعني مفيش فايده! الدنيا لسه حر، والجو هيكون حار تقريبا على اغلب المناطق، بس على السواحل الشماليه هيكون الطقس أهدى شويه ومائل للحراره، وبالليل هيبرد وخصوصاً في الصباح الباكر.
كمان الأرصاد وضحت إن في شبوره مائيه هتظهر الصبح على الطرق الزراعيه والسريعه، يعني اللي خارجين بدري يخلي بالهم، خاصه في الطرق اللي بتودي للقاهره الكبرى والوجه البحري وكمان السواحل ومدن القناه ووسط سينا وشمال الصعيد وفي احتمال نشاط للرياح على شوية مناطق.
وبالنسبه لدرجات الحراره، فجات كالتالي:
- القاهره العظمى 30 والصغرى 18
- اسكندريه العظمى 25 والصغرى 16
- مطروح العظمى 24 والصغرى 14
- سوهاج العظمى 35 والصغرى 15
- قنا العظمى 35 والصغرى 20
- اسوان العظمى 38 والصغرى 21
يعني باختصار، اللي ناوي يخرج بكره لازم يشرب مياه كتير ويلبس خفيف، بس برضه يخلي معاه حاجه تقيله للصبح بدري الجو متقلب ومش مضمون، وحاولوا تتجنبوا الشمس في وقت الظهر عشان الحر شديد.
شارك المقال
أحدث الأخبار
أخبار ذات صلة
بنك مصر والبنك الأهلي يسهّلان فتح الحسابات للمصريين بالخارج عبر مبادرة “افتح حسابك في مصر”
توقيع اتفاقية تعاون لإنتاج الغاز الحيوي بين وزارة البيئة وشركة إيني الإيطالية
الهيئة العامة للمنطقة الاقتصادية لقناة السويس توقع بروتوكول تعاون مع الأكاديمية العربية للعلوم الإدارية والمالية والمصرفية
الهيئة العامة للمنطقة الاقتصادية لقناة السويس تحصل على تمويل مصرفي بقيمة 30 مليار جنيه
عمرو طلعت يبحث تعزيز الاستثمار المصري في تكنولوجيا المعلومات والإلكترونيات خلال زيارة فيتنام
