الحراره لسه عاليه وبكره الجمعه طقس حار على اغلب المحافظات
تاريخ النشر:
منذ 2 يوم
الهيئه العامه للأرصاد الجويه قالت إن بكره الجمعه 18 ابريل 2025، الطقس هيكمل في طريق السخونه، يعني مفيش فايده! الدنيا لسه حر، والجو هيكون حار تقريبا على اغلب المناطق، بس على السواحل الشماليه هيكون الطقس أهدى شويه ومائل للحراره، وبالليل هيبرد وخصوصاً في الصباح الباكر.
كمان الأرصاد وضحت إن في شبوره مائيه هتظهر الصبح على الطرق الزراعيه والسريعه، يعني اللي خارجين بدري يخلي بالهم، خاصه في الطرق اللي بتودي للقاهره الكبرى والوجه البحري وكمان السواحل ومدن القناه ووسط سينا وشمال الصعيد وفي احتمال نشاط للرياح على شوية مناطق.
وبالنسبه لدرجات الحراره، فجات كالتالي:
- القاهره العظمى 30 والصغرى 18
- اسكندريه العظمى 25 والصغرى 16
- مطروح العظمى 24 والصغرى 14
- سوهاج العظمى 35 والصغرى 15
- قنا العظمى 35 والصغرى 20
- اسوان العظمى 38 والصغرى 21
يعني باختصار، اللي ناوي يخرج بكره لازم يشرب مياه كتير ويلبس خفيف، بس برضه يخلي معاه حاجه تقيله للصبح بدري الجو متقلب ومش مضمون، وحاولوا تتجنبوا الشمس في وقت الظهر عشان الحر شديد.
أحدث الأخبار
saudionportal.com
