وزير العمل يعلن عن إجازات رسميه يوم الاثنين والخميس بمناسبه الأعياد
أعلن وزير العمل محمد جبران اليوم الخميس عن إجازة رسميه للعاملين في القطاع الخاص بمناسبه عيد شم النسيم، حيث تقرر أن يكون يوم الإثنين 21 أبريل 2025 إجازة مدفوعة الأجر، وكمان يوم الخميس 24 أبريل 2025 إجازة رسمية بدلاً من يوم الجمعة 25 أبريل، بمناسبة عيد تحرير سيناء.
وتم التأكيد على إنه في حاله إن صاحب العمل محتاج يشغل العامل في الأيام دي، هيكون العامل ليه حق في الحصول على أجر إضافي، يعني أجره المعتاد عن اليومين دول مع ضعف الأجر.
الإعلان ده جاي في إطار محاولة توحيد الإجازات الرسمية في مختلف القطاعات الحكومية والخاصة، علشان تتماشى مع المناسبات الوطنية والاجتماعية المهمة.
الوزارة كمان أصدرت كتابين دوريين عشان تؤكد على الإجازات دي، وطلبت من رؤساء الإدارات ومديري مديريات العمل إنهم ينفذوا القرار ده في كل أماكن العمل.
وطبقا للمادة 52 من قانون العمل، العاملين في القطاع الخاص ليهم حق الإجازات المدفوعة الأجر في الأعياد والمناسبات الرسمية.
وزير العمل محمد جبران هنأ جميع المصريين والعمال بمناسبة الأعياد دي، ودعا الله إن الأعياد دي تكون سبب في الخير والبركة على مصر وشعبها.
