مجلس الوزراء، في اجتماعه النهارده برئاسة الدكتور مصطفى مدبولي، وافق على مجموعه من القرارات المهمه اللي بتهم المواطنين في كذا مجال.
أول حاجه، اتقرر زيادة قيمة المنح للعماله الغير منتظمة لـ1500 جنيه في 6 مرات بالسنه، وده ضمن الحمايه الاجتماعيه اللي أعلن عنها الرئيس. التمويل جاي من وزارة الماليه وهيتوزع من وزارة العمل.
كمان وافق المجلس على إنشاء خمس جامعات أهليه جديده في الفيوم ودمياط والسادات والأقصر وطنطا، وكل جامعه فيها كليات متنوعه زي الطب والهندسه والذكاء الاصطناعي، بس مش هتشتغل إلا لما تكمل كل التجهيزات.
ومن ضمن القرارات كمان، مشروع قانون جديد بخصوص تبادل المعلومات الضريبيه بين مصر ودول تانيه، علشان مكافحة التهرب الضريبي وزيادة الشفافية، وهيبقى للمحاكم الاقتصاديه الحق في النظر بأي مخالفات.
وفي خطوه لدعم الشباب، وافقوا على مشروع قانون خاص بالعربيات اللي هيوزعها مشروع “تحيا مصر”، منها ٣٠٠٠ تاكسي بالغاز و١٠٠٠ ربع نقل، هتتوزع على الشباب لدعم ريادة الأعمال.
كمان اتوافق على قوانين لتنظيم التمويل الاستهلاكي والمراكز الطبيه المتخصصه، عشان تحسين الخدمه الصحيه ورفع كفاءتها.
وأخيرًا، تم الموافقه على شوية تعاقدات مع شركات علشان تطوير البنية التحتيه للجامعات والمدارس والمستشفيات، وكمان تركيب كاميرات مراقبة في منطقة أثريه.
القرارات دي كلها في إطار خطه الدوله لدعم المواطن وتحقيق تنمية شاملة في كل المجالات.
شارك المقال
أحدث الأخبار
أخبار ذات صلة
بنك مصر والبنك الأهلي يسهّلان فتح الحسابات للمصريين بالخارج عبر مبادرة “افتح حسابك في مصر”
توقيع اتفاقية تعاون لإنتاج الغاز الحيوي بين وزارة البيئة وشركة إيني الإيطالية
الهيئة العامة للمنطقة الاقتصادية لقناة السويس توقع بروتوكول تعاون مع الأكاديمية العربية للعلوم الإدارية والمالية والمصرفية
الهيئة العامة للمنطقة الاقتصادية لقناة السويس تحصل على تمويل مصرفي بقيمة 30 مليار جنيه
عمرو طلعت يبحث تعزيز الاستثمار المصري في تكنولوجيا المعلومات والإلكترونيات خلال زيارة فيتنام
