تحقيقات بسبب سواق نقل عام اتعدى على ست من ذوي الإعاقه
بدأت وحدة شؤون المرأه وحقوق الإنسان وذوي الإعاقه في النيابه الإدارية، تحقيقاتها بخصوص واقعه اتعدى فيها سواق بهيئة النقل العام على مواطنه من ذوي الإعاقه، والموضوع اتفتح بعد ماتم تداول فيديو على السوشيال ميديا بيوضح اللي حصل.
اللي حصل بالتفصيل إن السواق وقف الباص ورفض يتحرك، وابتدى يتكلم بأسلوب مش كويس مع ست من ذوي الإعاقه كانت راكبه، وراح شايل العكاز بتاعها وبيحاول يخليها تنزل من الباص غصب عنها، لكن الست صممت تفضل في مكانها، وبعدها رجع السواق وتحرك تاني بالعربيه.
الوحده خدت البلاغ اللي جه من المجلس القومي للأشخاص ذوي الإعاقه، واللي قدم الفيديو اللي بيوثق اللي حصل، وعلى طول قررت المستشاره بريهان محسن، مديره الوحده، إنها تسجل البلاغ كقضيه وتبدأ تحقيق عاجل في الموضوع.
النيابه الإداريه من ناحيتها أكدت إنها بتاخد الشكاوي اللي بتمس الفئات الأولى بالرعايه بكل جديه، خصوصاً الحالات اللي بتتعلق بالإهانات أو التعدي على حقوقهم.
المستشار محمد سمير، المتحدث باسم النيابه الإداريه، صرح إن التحقيق شغال دلوقتي وهيتم اتخاذ اللازم بعد انتهاءه، وكل ده تحت إشراف المستشار عبد الراضي صديق، رئيس الهيئه، اللي مهتم يتابع كل جديد بخصوص القضيه.
الناس بتطالب بحق الست، وعايزين عقوبه مناسبه للسواق عشان اللي حصل ميتكررش تاني.
