الهلال قدامه تحدي جديد ضد الخليج.. تاريخ كبير يطارد البحّاره
الهلال راح يواجه فريق الخليج اليوم الخميس بليل، ضمن الجولة 28 من دوري روشن السعودي، وكل العيون متجهة للمواجهة اللي دايمًا ما تكون فيها الأفضلية للأزرق، بس برضو جماهير الخليج عندها أمل.
الهلال والخليج تقابلو قبل كذا مره، بالضبط 11 مباراة، وكانت النتيجه تميل بشكل واضح للهلال، فاز في عشره منها، والخليج قدر يفوز مره وحده بس شي يوضح الفرق بين الفريقين سواء من ناحية الأداء أو حتى الإمكانيات.
الهلال في المواجهات ذي سجل 35 هدف، يعني بمعدل أكثر من ثلاث أهداف في كل لقاء، أما الخليج فما سجل غير 5 أهداف، وهذا يبين قد ايش الأزرق كان قوي ومسيطر دايمًا في المواجهات بين الطرفين.
ورغم كذا، فريق الخليج اللي يسموه البحّاره، يدخل كل مباراة بأمل، يحاول يغير من التاريخ اللي دايمًا يكون ضده يمكن اليوم يصير شي مختلف، يمكن يصير مفاجأة، كرة القدم ما فيها شي مستحيل.
المدربين الاثنين حضّرو لاعبينهم كويس، وجمهور الهلال يبغى يشوف فوز جديد يعزز الصداره، أما جمهور الخليج، فمنتظرين لحظه فرح يمكن تتكرر، ويكسرون هيمنة الهلال ولو لمرة ثانيه.
المباراة بتكون مهمه لكلا الفريقين، وكل فريق عنده دوافعه، الهلال عشان الصداره، والخليج عشان يثبت نفسه ويهرب من مناطق الخطر.
