ليفربول وتشيلسي بيتنافسو على ضم مدافع بورنموث الشاب دين هويسن
صحف إنجليزيه كشفت النهارده، الخميس، إن فيه صراع شغال بين ليفربول وتشيلسي عشان يضموا المدافع الشاب دين هويسن لاعب بورنموث، خلال الانتقالات الصيف الجاي.
وبحسب موقع GiveMeSport فاللاعب الإسباني عنده 20 سنه، وبقى هدف مهم للفرق الكبيره في الدوري الإنجليزي، خصوصًا إن عقده فيه شرط جزائي بـ50 مليون جنيه إسترليني.
ريال مدريد وبايرن ميونيخ كانو مهتمين باللاعب برضه، بس الاتنين مبيفكروش يدفعوا الشرط الجزائي، وده بيخلي المنافسه أقرب ما تكون بين ليفربول وتشيلسي.
ليفربول بيدوّر على تدعيم دفاعه، حتى بعد تجديد عقد فان دايك لحد 2027، أما تشيلسي فبيفكر يعيد ترتيب خط الدفاع، خصوصًا مع احتمالية رحيل لاعبين زي أكسل ديساسي، اللي معار حاليًا لأستون فيلا.
هويسن شارك مع بورنموث الموسم ده في 30 ماتش، سجل هدفين وعمل أسيست، وده خلاه تحت أنظار فرق كبيره في أوروبا. الصراع بين تشيلسي وليفربول هيبقى نار، خصوصًا مع قرب فتح السوق.
