قراءة فنيه في تشكيل الأهلي لمباراة فاركو ضمن كأس العاصمه
الأهلي بيلاعب فاركو النهارده الساعه 4 العصر على ستاد السلام، في ختام دور المجموعات من بطولة كأس العاصمه المصريه (كأس الرابطه).
المباراة دي بتعتبر فرصه اخيره للمارد الأحمر عشان يحفظ شويه من كرامته في البطوله، خصوصًا بعد خسارته في أول ماتشين قدام إنبي وطلائع الجيش، وده خلاه يدخل مواجهة فاركو وهو بدون ولا نقطه.
المدير الفني قرر يلعب بتشكيل اغلبه من فريق 2005، ومعاهم شوية لعيبه مستبعدين من الفريق الأول زي علي معلول، في محاوله لعمل مزيج بين الشباب والخبره يمكن يقدر يغير بيه الشكل.
محمد الحاوي، المحلل الفني في يلا كوره طلع في فيديو بيشرح فيه الرؤيه الفنيه للتشكيل وطريقة اللعب، وقال إن الهدف الأساسي هو تجربت العناصر الجديده، وخلق دوافع للعيبه الشباب.
الأهلي قدامه تحدي صعب، مش بس عشان يحقق نتيجه كويسه، لكن كمان عشان يطمن الجماهير إن الفريق عنده عناصر تقدر تشيل المسئوليه في المستقبل والماتش هيكون مهم جدًا لتقييم بعض الأسماء الجديده اللي ممكن يبقى ليها دور مع الفريق الأول.
