الأهلي في اختبار ناري قدام صنداونز وريبيرو الخطر الأكبر
مفيش صوت عالي اليومين دول فوق صوت المواجهة المنتظره بين الأهلي وصنداونز الجنوب إفريقي في نصف نهائي دوري أبطال أفريقيا 2024-2025.
الأهلي هيحل ضيف على صنداونز يوم السبت الجاي الساعة 3 العصر، في مباراة الذهاب، وسط ترقب كبير من جماهير الكوره في أفريقيا كلها، خصوصًا إن المواجهات بين الفريقين دايمًا مليانه دراما وحماس.
لكن الخطر الأكبر اللي ممكن يواجه الأهلي في اللقاء ده هو البرازيلي لوكاس ريبيرو اللي بيعيش موسم ناري مع صنداونز اللاعب عنده 26 سنه، وده موسمه التاني مع الفريق بعد ما جه من الدوري البلجيكي.
ريبيرو بيلعب كمهاجم تاني أو جناح أيسر، وسجل لحد دلوقتي 32 هدف وصنع 20 في 76 مباراة أرقامه بتتكلم، وتحركاته الهجومية بتخلي الدفاع لازم يكون في أعلى درجات التركيز.
الغريب إن ريبيرو رفض صنداونز في البداية، وقال ماكنتش أعرف النادي ولا البلد، لكن لما شوفت طريقة لعبهم، حسيت إني في البرازيل، والمدرب كان واثق فيا جدًا وأضاف ده كان أحسن قرار أخدته في حياتي
الأهلي لازم يحط عينه على ريبيرو، لأن أي غفلة ممكن تكلفه كتير
