هويلوند وماليك.. صراع الهدافين قبل قمة مانشستر وليون الأوروبيه اليوم
تتجه أنظار جماهير الكوره الأوروبيه الليله صوب ملعب “أولد ترافورد”، واللي بيحتضن مواجهه قويه بتجمع مانشستر يونايتد الإنجليزي بضيفه العنيد أولمبيك ليون الفرنسي، ضمن إياب الدور ربع النهائي من بطولة الدوري الأوروبي.
الأنظار مش بس على المواجهه، لكن كمان على صراع الهدافين بين النجم الدنماركي “هويلوند” من جهة الشياطين الحمر، والنجم المالي “ماليك” من صفوف ليون، اللي أثبت نفسه بسرعه كمهاجم لا يُستهان فيه.
هويلوند، اللي يعتبر من أبرز نجوم مانشستر في الفتره الأخيره، سجل 6 أهداف في مشوار الفريق بالبطوله، منها أهداف حاسمه ساعدت في تخطي محطات صعبه.
المهاجم الشاب بيتمتع بسرعه عاليه وذكاء في التحرك داخل الصندوق، وهو دايمًا مصدر قلق لدفاع الخصوم.
في المقابل، ماليك من ليون، سجل هو كمان 5 أهداف بالدوري الأوروبي، وظهر بشكل مميز بفضل قوته البدنيه وقدرته على التسجيل من أنصاف الفرص مالك دايمًا بيكون حاسم، وهدفه قد يقلب موازين المباراه.
المقارنه بين الاثنين بتخلي المباراه أكثر إثاره، خاصة وإن الفريقين عندهم طموح للوصول لنصف النهائي.
الكل منتظر مين فيهم هيكون صاحب الكلمه الأخيره الليله: هل يستمر هويلوند في التألق؟ ولا يرد ماليك بهدف قاتل يغير حسابات التأهل؟ الجماهير في ترقّب، والسهرة في “أولد ترافورد” مشتعله قبل ما تبدأ.
