وفاة بوبيندزا فجأه تفتح ملف تعويض الزمالك من الفيفا
الموت حط نهايه صادمه لمسيره المهاجم الجابوني آرون بوبيندزا، اللي توفى عن عمر 28 سنه بعد ما وقع من الطابق الحادي عشر في مبنى بالصين، وكان بيلعب هناك في صفوف نادي تشيجيانج إف سي.
بوبيندزا كان معروف في مصر خصوصًا بعد ما الزمالك أعلن التعاقد معاه رسميًا، لكن اللاعب فاجئ الجميع ورفض الالتزام بالاتفاق وراح على رابيد بوخارست الروماني، وبعدها للصين.
الزمالك قدم شكوى رسميه في الفيفا عشان ياخد تعويض، والشكوى دي لسه شغاله في لجنة فض المنازعات عضو مجلس إدارة الزمالك عمرو أدهم قال إنهم طالبوا بتعويض من اللاعب والنادي الروماني بسبب الإخلال بالعقد.
بس بعد وفاة بوبيندزا، السؤال اللي الكل بيسأله هل الزمالك لسه ليه تعويض ولا لأ وهل ممكن الفيفا تحكم بحاجة في ظل وفاة اللاعب
الموقف ده بيشبه موقف اللاعب الغاني أجوجو، اللي توفى برضه وكان ليه مستحقات عند الزمالك، لكن بعد وفاته اتحفظت القضية، ومرتضى منصور قال وقتها إن المحامي بتاعه خد الفلوس كلها.
دلوقتي الكل مستني رد الفيفا ويشوف الزمالك هياخد حقه ولا لأ.
