فلاح القحطاني يفجّرها عرض الهلال لسالم الدوسري ما يستاهله!
فجّر الإعلامي الرياضي فلاح القحطاني جدل كبير على منصات التواصل بعد تغريدة نارية كتبها في حسابه على منصة “إكس”، بخصوص موضوع تجديد عقد نجم الهلال سالم الدوسري، واللي دخل الفترة الحرة مؤخرًا، ويحق له يوقّع لأي نادي.
وقال القحطاني: “لو أنا مكان إدارة الهلال، أسحب العرض القديم وأعطي سالم عرض جديد ما يتعدى 15 مليون في السنة، إذا قبل خير وبركة، وإذا رفض، أجيب أجنبي أصغر عمرًا وأفضل فنّيًا”.
التصريح هذا أشعل الشارع الرياضي، خصوصًا إن سالم يعتبر واحد من رموز الفريق، والجماهير مرتبكة بين دعم اللاعب أو الوقوف مع الإدارة، خاصة إن فيه أخبار تقول إن سالم وصله عرض قوي من نادي نيوم، وأيضًا نادي الدرعية داخل على الخط.
وما وقف القحطاني عند سالم، بل قال: “هذا الكلام ينطبق على كل اللاعبين السعوديين، ما فيه أحد يستحق أكثر من هالمبلغ، مهما كان اسمه”.
المفاوضات بين الهلال وسالم لا زالت شغّالة، والأيام الجاية راح تكشف إذا كان الدوسري بيكمل مع الزعيم، أو بيروح يخوض تحدي جديد.
