ليفربول يمدد عقد فان دايك حتى 2027 ويؤمن خط الدفاع نهائيًا
نادي ليفربول الإنجليزي أعلن بشكل رسمي اليوم إنه جدد عقد مدافعه الهولندي الصلب فيرجيل فان دايك، واللي عمره حالياً 33 سنه، علشان يستمر مع الفريق لحد صيف 2027، ودا بعد ما تم الاتفاق بين الطرفين على البنود بدون شروط جزائيه ولا حتى خصم من راتبه.
فان دايك وقع على عقد جديد بيخليه من أكتر المدافعين أجراً مش بس في إنجلترا، لا دا كمان في أوروبا كلها، وراتبه يوصل لـ400 ألف جنيه إسترليني أسبوعيًا، حسب تقرير نشرته صحيفة “ذا أثليتيك” المعروفه.
مصادر كتير قالت إن المدرب الهولندي الجديد أرين سلوت، كان له دور كبير في إقناع فان دايك بالبقاء، خصوصًا بعد ما كانت فيه إشاعات بتتكلم عن احتمال خروجه بعد نهاية الموسم.
بالتجديد دا، ليفربول يكون خلص ملف مهم من ملفات التجديد اللي كانت عامل قلق لجماهيره، خصوصًا بعد ما مددوا كمان عقد النجم المصري محمد صلاح. ودا بيعني إن الفريق ناوي يدخل مشروع جديد بثنائي قيادي قوي في أرض الملعب.
المدافع الهولندي لحد دلوقتي لعب مع ليفربول 314 مباراة، وسجل 27 هدف وصنع 13 هدف، ودا أرقام تعتبر ممتازة بالنسبة لمدافع.
جماهير الريدز أكيد مبسوطه من الخطوه دي، خصوصًا وإن فان دايك يعتبر واحد من أهم الأعمده اللي ساعدت الفريق يحقق ألقاب كبيره السنوات اللي فاتت.
