ثلاثي برشلونه يرفضون الراحه ويواصلون التمرين قبل مواجهة سيلتا فيغو
رغم إن المدرب الألماني هانز فليك عطى لاعبين برشلونة يوم راحه اليوم الخميس، الا إن ثلاثي الفريق روبرت ليفاندوفسكي وبيدري وتشيزني قررو يكملون تدريباتهم الفرديه في المدينة الرياضية للنادي، ورفضو الراحة!
اللاعبين الثلاثه وضحو من خلال تصرفهم إنهم ناوين يرفعون جاهزيتهم البدنيه والفنيه قبل الجولات الحاسمه اللي جايه، خصوصًا إن الفريق عنده طموحات كبيره في الدوري وعايش مرحله مهمه من الموسم.
التزامهم رغم الراحة عطى رساله واضحه للجمهور وللجهاز الفني إنهم مركزين وعندهم رغبه حقيقيه في تقديم مستويات عاليه، والقتال لأخر لحظه في الموسم.
برشلونة بيواجه سيلتا فيغو السبت الجاي في مباراة صعبه ضمن منافسات الدوري الإسباني، وبتنطلق الساعه 5:15 مساءً بتوقيت السعوديه.
الجمهور متحمس يشوف النتيجه خصوصاً بعد التطورات الايجابيه اللي صارت بالفريق تحت قيادة فليك.
واضح إن في جو حماسي داخل النادي، وكل لاعب ناوي يثبت نفسه ويقاتل عشان مركزه وحتى عشان شعار النادي.
