نيمار يتصاب من تاني وخيسوس يطلع كلامه كله صح بالبرازيل
اتصدّر المدرب البرتغالي خورخي خيسوس الترند في البرازيل بعد إصابة نيمار الجديده، واللي خلت جماهير سانتوس والصحافه الرياضيه ترجع لتصريحاته القديمه لما كان مدربه في الهلال.
نيمار اضطر يطلع من ماتش سانتوس ضد أتليتيكو مينيرو وهو بيعيط، بعد ما حس بوجع في فخده الشمال، وده كله حصل في الشوط الأول!
خيسوس كان قايل قبل كده إن نيمار مش جاهز بدنيًا للعب بشكل متواصل، وده اللي خلى الهلال يفسخ عقده معاه، وبعدها نيمار رجع لسانتوس في يناير.
ومن يومها، والإصابات ما سايباهوش، وكل شوية يطلع من الماتشات بسبب مشاكل عضليه، والناس بدأت تتدايق.
الجماهير البرازيليه بدأت تتكلم وتقول إن خيسوس كان عنده حق، وطلع هاشتاق “#JorgeJesusTenhaRazao” ترند على مواقع التواصل الصحافه كمان رجعت تنشر كلامه القديم.
دلوقتي، سانتوس في ورطه هل يكملوا مع نيمار رغم الإصابات؟ ولا يدوروا على حل بديل؟ خصوصًا إن الفريق داخل على مواجهات مهمه جدًا، ومستقبل نيمار بقى فعلاً في مهب الريح.
