حديقه النخيل اسم جديد وسط فرحه أهل الحي والمشاركين
بلدية محافظة الخرج اعلنت عن إطلاق اسم جديد على وحده من الحدائق التابعه لها، وسَمّوها حديقة النخيل وجا هالقرار ضمن مبادرة أهلها يسمّونها اللي أطلقتها أمانة الرياض، واللي هدفها مشاركة السكان بتسمية المرافق العامه، عشان يزيد حسّ الانتماء للمكان.
التسمية ما جات كذا من نفسها، كان فيه فعاليه مجتمعيه شارك فيها سكان الحي وصوّتوا على الاسم، وكان فيه حضور كبير من الأهالي، خاصة العوائل اللي جوا مع أطفالهم وكان فيه مسرح للطفل ومسابقات وجوايز، وركن للضيافة وركن ثاني يشرح عن اهداف المبادرة وكيف الناس تقدر تشارك.
البلدية بعد خصصت ركن تعريفي بخدمة البلاغات عن طريق منصة بلدي وكان فيه شرح واضح عن كيف تقدم بلاغ أو طلب، ووزعوا جوائز بسيطة لتحفيز الناس.
الحديقه اللي تسمّت النخيل كبيره، مساحتها تقريبا خمسين ألف متر مربع، وصار لها أكثر من 13 سنة تخدم أهل الحي، فكان طبيعي إنهم يشاركون بتسميتها.
وهالخطوة تجي ضمن خطة الأمانة لتعزيز الشراكة المجتمعية وتحسين جودة الحياة وربط الأماكن بهوية الناس وذكرياتهم، بما يتماشى مع أهداف رؤية 2030.
