مدبولي مستمرين فـ الإصلاح الاقتصادي وقطر هتضخ استثمارات ضخمة
قال الدكتور مصطفى مدبولي، رئيس مجلس الوزراء، إن الحكومة بدأت فعلاً فـ إعداد موازنة السنة الجاية، وأكد إن مسار الإصلاح الاقتصادي ماشي بقوة، ورغم الظروف الصعبة وضبابية الأوضاع في العالم، إلا إن الدولة مصممة تكمل في طريق الإصلاح.
مدبولي اعلن كمان عن تفعيل المرحلة الأولى من المبادرة الصناعية اللي قيمتها 30 مليار جنيه، علشان تمويل شراء الآلات والمعدات الجديدة لـ 7 قطاعات مهمة في الصناعة.
وكشف كمان إن في 1150 ميجا وات من الطاقة الجديدة والمتجددة هتدخل الشبكة خلال الفترة الجاية، وده علشان نواجه زيادة الاستهلاك فـ الصيف الجاي، ونأمن احتياجات الناس.
رئيس الوزراء قال إن الحكومة لازم تسرع من خطوات الإصلاح الاقتصادي، وإن زيارة الرئيس عبد الفتاح السيسي الأخيرة لدولتي قطر والكويت كانت مهمة جدًا، خصوصًا في تعزيز العلاقات الاقتصادية، وأشار إلى إعلان قطر عن استثمارات بقيمة 7 7 مليار دولار، بيتم العمل عليها دلوقتي مع الجانب القطري.
كمان أشار لزيارة وفد رجال الأعمال السعوديين اللي كان فيها 300 شخصية مهمة، وإن الفترة اللي جاية هتشهد ضخ استثمارات سعودية كبيرة في مصر.
